Passà la matina del venti de agosto del milnovesentoquatordese,

 

I a notissia che Papa Sarto el iera malà e grave gavea fato el giro del   mondo.

 

O rmai se savea: el gueròn come Pio X lo ciamava el iera fora dae porte.

 

X e stà proprio a guera, granda e tremenda a troncar el so cuor de Pastor.

 

S  uito, dopo mezanote, a un boto e un quarto moriva para  dolor el Papa de Riese.

 

E  l mondo intiero in xenocio piansea el gran papa vegnuo da la marca trevisana.

 

N  ato poaretto, vissuo umie, bon, ma forte, el ga dato a so vita par salvar el mondo.

 

Tuti coe lagrime ai oci in Piaza san Piero i disea: xe morto un santo, el papa bon.

 

o ra a cesa a xe orfana , a guera lo ga copà; semo come piegore senza el pastor.

 

Anca el celo parea triste quel venti de agosto quando el so cuor  se fermò.

 

N  ove anni da paroco, nove da vescovo, nove da patriarca de Venezia; da Papa

 

I  nvese el ga giuidà el timon dea barca de San Piero per undese anni de amor,

 

F  asendo riforme, dal dirito canonico, al canto liturgico a la comunion ai putei.

 

A  mi  S.Pio X el me par tanto a Papa Francesco. Un grassie da chi te vole ben.

 

 

 

Da loreto citta’ di maria-  p. gianni fanzolato di riese pio x

 

PIO X SANTO

C he onor grando, pa a nostra Riese
I nsieme co tuta a cesa intiera
N e a gloria del Bernini in Vaticano
Q ual angeo benedeto de sta cara tera,
U n altro Pio te ga fato da Sarto a Santo.

A l mondo intiero te si deventà na Stea,
N altro raio de sol chel fassa ciaro a tuti.
T e ghe donà a to vita come capeàn de Tomboo,
A Salzàn te ghe mostrà el to cuor de Pastor;
N ove anni de qua, altri nove de là come Vescovo,
N altri nove Patriarca de a to cara Venezia.
I ntanto el Signor te preparava un posto in Vaticano.

F ioo caro e devoto de a Madona de e Cendroe
A Ea te ghe fidà co a fede el peso de essar Papa.

P io te ghe voesto ciamarte, parchè cossì te si.
I nstaurare omnia in Christo” xe sta el to moto,
O meio, che tuto ga da aver a Cristo come Capo.

X e vero,te si sta grando ne a to sconta umiltà:

S anto se deventa se el cuor vien dato a Dio e ai fradei.
A dir el vero ti te si sta el omo de a Providensa
N ei tanti cambiamenti che i ga dato forsa a a Cesa,
T ante riforme dal canto, liturgia, comuniòn ai putèi.
O Pio X santo, nostro paesàn, ricordate che te voemo ben.


P. Gianni Fanzolato, scalabriniano, Loreto